☆نـجيمــات اللـيــل☆
أصلــي تايـه يـا نـجيمـات
فـي عـوالـم من خيــالـي
برضي شايف حرقة الـذات
في خضوعـي وإمتثــالـي
حــاسي جـواي إبتــلاءات
تحرم افراحـي الغــوالـي
والسنين دائمـا مبـاعـدات
بينـي بين سعد الليــالـي
أصلـي حـزنان يا نجميـات
والألـم هـداهـو حـــالـي
لي متين بسماتي عبـرات
والـزمن ضيع كل غــالـي
النفس حـارقـاهو زفـرات
واللهيب لاعضـاي صـالـي
لبه براي غالباني دمعـات
جاوبي مرة على سؤالـي
برضـي عاشق يا نجيمـات
مـاني خـائف ما ببــالـي
لـي متين احـزان وآهـات
والغرام باقي لـي غالـي
والله صابر صـافي نيــات
راجي حـلما" لي حـالـي
لو أعيش اتهنـى لحظـات
تبقى زاد لـي إرتحـالـي
☆ مـنير عـبده ☆
ليست هناك تعليقات:
إرسال تعليق