جزيرة العشاق ..
وحيد .. شريد .. فـ جزيرة العشاق
لصديق لرفيق .. لحبيب مشتاق
وبانت فـ عنيا الأشواق .. وزادت عليا الأشواق
خديتني بين العشاق .. لفييت .. لفييت ..
بين الأشجار .. بين الأغصان .. بين الأزهار
لفيت .. لفيت ..
بصيت للكون الفسيح ..
للطير اللي بيغني ويصيح
زي العاشقين .. متجمعين
اتنين ويا اتنين
مافيش غيري وحيد
في جزيرة العشاق
لصديق لرفيق .. لحبيب مشتاق
وفـ وسط الأشواق .. صوت ندالي : بأغلى الأسماء
حبيبي .. تعالى .. تعالى : أبعد يا فراق
بصيت علية .. اتاريه .. حبيب قديم
كان بيني وبينه .. غرام قديم
نده قلبه .. نده قلبي .. وناجت الروح ..
الروح وجالي حبيبي .. حبيب الروح
جاي يحيي .. غرام .. كان بنا
غرام .. جارت عليه سنين
من بعد فراق .. كان بنا
وهجر وعذاب سنين
من غير ميعاد .. كان بنا
ولا كنا ع اللقا .. متفقين
وبقيت زي العشاق .. أنا وحبيبي ..
في جزيرة العشاق
جزيرة العشاق .. (كلمات .. سعد المهدي)
ليست هناك تعليقات:
إرسال تعليق