حبي الكبير
حبيبي ياعمري ياحبي الكبير
فرحي في بعدك أكيد مستحيل
ياحبي الأول وحبي الأخير
ليك إنت وحدك قلبي أثير
هشرق وأغرب وهبعد وأجيك
يالي هويتك ودبت في عنيك
عايز تملي حبيبي ألاقيك
في فرحي وجرحي أسكن عنيك
هفضل عايشلك طول السنين
وهفضل شيلك في قلبي الحنين
لاتألمني الجراح ولا يهدمني الأنين
بيك هنسي اللي راح من عمري الحزين
هكمل طريقي لحد النهايه
مش هندم حبيبي طول ما أنت معايه
يا اغلي و أحلي وأجمل حكايه
يا أحلامي وعمري وسنيني اللي جايه
حلمك حبيبي في عيوني ارسمولك
وفرحك حبيبي بأديه اهدهولك
وعمري واللي باقي من عمري ادهولك
والدمعه الحزينه اشيلها من عيونك
لو خايف حضني أجري عليه
كل الأمان في حضني تلاقيه
حبك حبيبي في قلبي ماليه
وتملي وأنت جمبي جرحي ناسيه
وأنت معايا هكمل طريقي
ياشوقي وهوايا وحبي الحقيقي
هتفضل حياتي وحبي وحبيبي
ياكل منايا وقدري ونصيبي
لومرت سنين أو مرت ليالي
كل الحنين لقلبك ياغالي
هتفضل تملي في عقلي وبالي
وهتفضل شاغلي قلبي وخيالي
حبيبي ياعمري ياحبي الكبير
فرحي في بعدك أكيد مستحيل
ياحبي الأول وحبي الأخير
ليك أنت وحدك قلبي أثير
حبي الكبير. (كلمات مرسي خلف)
ليست هناك تعليقات:
إرسال تعليق