عيونك
ياللي عيونك عسلية واحشاني
عيونك كلها حنية و عجباني
أبعد تنده عليَّ أرجع لها تاني
لو كان بإيديا ما أبعد ثواني
ياللي عيونك قمر ينور لياليَّ
معاكِ يحلي السهر و الملاغية
لو تطلبي عمري و روحي
اقدمهم لكِ أحلي هدية
ياللي إنتِ عارفة إني بَحِبك
و القلب مشغول بحبك
وحياة ربي و ربك
ما تغيبي عن عيني شوية
لو مهما قُلت أنا واحشاني
و أتمني أعيش وياكِ زماني
ياللي قلبك سكني و عنواني
ما تُسكتيش رُدي عليَّ
لو مرة تقولي بَحبَك
و القلب فرحان بحُبك
ونفسي أعيش عُمري جنبك
كفايا عليَّ من الدنيا
بقلمي/عبيد رياض محمد
