مع نفسك/ بقلم الشاعر / محمد عبد الرحيم

مع نفسك 

..........

بتبكي علية دلوقتي ..

ومن إمتى الدموع 

           تقدر ..

تغير للحياه معنى 

وطعم بحسه .. متمرر 

..........

وكانت فين دموعك 

           يوم ..

وأنا مهموم .. بعاتب 

قلبي على حبك ..

وبحضن أي حاجة 

أشوفها    .. جت منك 

ووحشاني ..وحرماني 

          حنان قلبك ..

كانت عندك..وشايلاها 

وليه ما قدرتش أقراها ..

             ولا أتعلم 

عشان أفهم ..

بإني ماكنت وحدي 

           أكيد ..

وفيه واحدة ..كانت 

           زيي ..

ولكن رافضة تتالم 

..........

بتبكي علية دلوقتي ..

وأي دموع على خدك 

بإيه هتفيدني وتفيدك 

        أبوس إيدك ..    

        أبوس راسك 

سيبيني ماتلمسيش 

         جرحي ..

أنا عاذرك .. وسامحتك 

ياريت تنسيني 

           وتسامحي 

غيابي وتقعدي دقيقة ..

مع نفسك .. وتتصارحي 

..........

ياريت تحققيلي آخر طلب 

بطلبه منك .. وتنسيني 

خلاص ..مافيش داعي 

لوجودك تاني .. أرجوكي 

..........

محمدعبدالرحيم