ليه بتقول
ليه بتقول إني مش حاسس بيك
ما أنا يا حبيبى بروحى أفديك
فاكرك دايماً ومش ناسيك
وقلبى يا روحى بيسألنى عليك
ليه بتقول أنى مش حاسس بيك
تصدق أنى دائما فى حلمى بناديك
وأهمس لعيونك أنى بدوب فيك
وأنت ليه خليت القسوه تملاك
ليه بتقول أنى مش حاسس بيك
فاكر لما كنت بتقول بحبك
كنت بملك الدنيا كلها ونفسى أرضيك
وأه لما كنت بشوف حنان عينيك
وأضمك وأنسى همومى معاك
فاكر لما كنت بتقول بحبك
ليه بتبعد عنى وتحرمنى منك
وأنت كل حلمى ليه بتكسرنى فى قلبك
بحبك ومش بالسهل أنى أنساك
فاكر لما كنت بتقول بحبك
طيب أسأل نبضى عنك يقول مشتاق لقربك
بحب الحب اللى بيسكن قلبك
بلاش تحرمنى حبيبى أنا هايم فى بحرك
فاكر لما كنت بتقول بحبك
الشاعر/ على فياض البلصفورى
قطرات الندى
ليست هناك تعليقات:
إرسال تعليق