قصيدة / ( ابنى )
الشاعرة /هدى سيد
أيوه أنت إبني حتى ولو
مش مكتوب فى شهادتك اسمى
انى أكون لك أمك بجد
مش محتاجة شهادة من حد
أيوه أنت إبني غصب عنك
حتى ولو كان حبى ده خانقك
كل ما أشوفك وألمح خوفك
ألقى القلب يحن عليك
ف ما تسألش إزاي واشمعنى
إن أنت اللى بحس أنا بيك
هى الأم إزاي راح تشرح
هى إزاي بتحب أولادها
ولا تفسر كل ده ليك
حبك جوه ف قلبى بيكبر
ويرشرش رياحينه وعنبر
ويحلى الدنيا ف عنيه
واتمسك بيك أكتر وأكتر
وأفتخر إنى ف يوم حبيتك
وف قلبى داريتك خبيتك
وبرمش العين أنا غطيتك
وبقرآن ربنا ورقيتك
م العين الحاسدة لتصيبك
أيوه أنت ابنى وحفضل أقول
ربى تفضل كده على طول
ضى لعينى نور لحياتى
واوعى حبك ليا يزول
كلمة حاضر بتفرحنى
وترقص قلبى وتسعدنى
علشان كده لو تطلب عينى
من غير تفكير راح تلاقينى
أيوه أنت ابنى وضى لعينى
ليست هناك تعليقات:
إرسال تعليق