..................................شفت منام..................................
غنوا لساقي النبت الأخضر
مش على موتنا راح يتشطر
بيكون فينا نجاة وسفينة
لما الموج العاتي يزمجر
وبيغنينا ويلبسنا ويغذينا
لما نعوزه مابيتأخر
شفت منام ..جمل بسنام
من غير ديل وده اسمه الأزعر
قالوا حمال....ويا نوال
شببه دجال واكتر واكتر
شاف سعدية ...متهنية
مع راجلها وذي السكر
خلى عاليها تحت واطيها
شار لنوال تقوم تتبدر
رجعت ريمة ..لعادة قديمة
قومي ياولية ياشبه المغفر
قام على جوزها قوام بالجزمة
رقصت له نوال وحطت الاحمر
أما تقالة ..سمج ورزالة
الدلالة بتدهن بنجر
شفت قنال ..فيها غزال
وأسد زاغر عمال يزأر
شفت نهيبة..عند وهيبة
والحفار نازل يحفر
وفيه ملوخية..عليها نمليه
وجمار أجرب عم بيصرصر
شفت شجار ..وناس أشرار
فارس مغوار راح يتصدر
شفت مغاني ..شرين وتهاني
ولحمة رخيصة مليه الأنجر
لقيت تعبان...محشي لبان
شكله جميل ..لكن أصفر
شفت خناقة ..جوا لياقة
مين الغالب حذر فزر
مالك يابا ساكت ليه
قال لي ياابني ظهري اتكسر
قلت يا بويا وده من ايه
قال مكتوبنا واللي اتقدر
احكي يابابا فضفض ليا
ماتسبنيش وحدي أفكر
هات لي أمارة فيها اشارة
عن سؤالاتي تبقى المخبر
خايف يابني كلامي تعبني
اللي راهبني سوء المنظر
قلت يابابا لأ ماتخفش
عند الحق الروح تتحضر
مابيرهبنا الا واهبنا
وبيعنينا أمر المحشر
قال لي عبارة جوا مغارة
فيها الحكما راح تتستر
قلت خسارة قال لي شطارة
لما الباغي راح يتجبر
يوسف نال كل نوال
لما لسجنه مال واتصبر
شفت اخواته راموا سكاته
خلوا أبوه عليه يتحسر
راحوا باعوه كعبيد ذلوه
ذل زليخا كان أكتر واكتر
عملوا مكايد ..ربك كايد
نصره أكيد مهما اتأخر
ربك خلى ..لما تجلى
كل الألسن قالت أطهر
نادىأخاه معاه في علاه
ذل العصبة هنا في المهجر
شوف فرعون ..لموسى يصون
حال الظالم لما بيكفر
أخذه معاه ..في حجره رعاه
ربى بايده عدوه الأكبر
موسى أتاه ..بالرفق دعاه
لكن الفاجر مابيتدبر
قال ياهامان..ليا جنان
بالربوبية مشي يتمخطر
من بلواه.. شاف نجواه
لما انهار من تحته المعبر
وده بقى حال .المحتال
واللي بشعبه عمال يمكر
عندي حكاية..عبرة وآية
تشبه قصة حوحو وعنتر
كان ياما كان ..قبل أوان
كان فيه حاكم مثل الأشتر
كان جبار .عابد نار
لكن نال كل المفخر
بعدله أقام .كل قوام
واللي بيبفي كان يتكدر
ساوى أمير ..ويا حقير
وفي جلساته فقير يتصدر
قال السفح ..في حفنة ملح
أنو شروان ذكره اتعطر
اسمع مني ..بوحي قاتلني
أصل البوح صريحه يخسر
المداراة ..زير وغطاه
اللي وعاه قلبه يفسر
كيف الحال .ياعبد العال
قال أرواحنا راح تتحرر
رجوع الدين..قاب قوسين
لما الغوطة أتاها العسكر
ياللي هناك..قلبي معاك
مجد صمودك راح يتسطر
بالأشواق بنستناك
هتزلزلهم الله أكبر
وانت ياخويا ..مش لأبويا
اخوة دينا شهد مكرر
اصحى وفوق ..ربك فوق
قبل ندامة في يوم المحضر
الحق طريق..ينجي غريق
طرق الباطل هي المخسر
كلمة أخيرة ..لمثل شاكيرا
لازم كل العقلا تفكر
بقلمي | محمود عبد الخالق عطيه المحامي
ليست هناك تعليقات:
إرسال تعليق