أبو شخه / بقلم/عبيد رياض محمدِ

عودة من جديد إلى نقد الظواهر السلبية في المجتمع .
فقد ظهرت في هذه الأيام موضة ملابس غريبة جداً
)بنطال جينز يسمى أبو شخه(

أبو شخه

البنت لابسه أبو شخه
بنقول لها يا بنت كخه
لبس إيه إللي إنتي لابسه
شوفي أصل الموضه إيه

شوفي اللبس إزاي يكون
إزاي يداري م العيون
لبسكم كله جنون
و تقولوا لي موضه ليه

لكن العيب مش عَلَيْكِ
العيب يا بنتي علي والديْكِ
اللي سابوا الحبل ليكِ
تلبسي علي كل لون

هي فين الموضه ديه
اللي هتطلع عينيا
دا إنتي لو في الأبعديه
مش تلبسي حتي الفيزون

إرجعى لأصلك و دينك
ع الشيطان ربي يعينك
إلبسي علي شرع دينك
لبسك لجسمك لازم يصون

متقوليش أصلها موضه
دا إنتي لو لسه في الروضه
حتى لو عبايه سوده
تحميْكِ من كل العيون

أسمعي يا بنتي النصيحة
لا تقلدي ماري و لا فريحه
و لا إنتي خارجه تحطي ريحه
و أسمعي كلام الرسول

اللبس واسع مش شفاف
كأنه ع الجسم غلاف
يحمي من نفوس ضعاف
و متقوليش ده كلام مخبول

يا كل راجل يا كل ست
ليه تسيبوا البنات ع النت
مهما كنتِ و مهما كنت
أنت عن بناتك مسؤول

إللي راح يسمع كلامي
أبعت ليه حبي و سلامي
واللي ما يسمعش الكلام
يبقي في ألف داهيه يغور

كل واحد فينا لازم
يكون في التربيه حازم
و لأولاده يكون ملازم
و التربيه تكون ع الأصول

بقلم/عبيد رياض محمدِ