بيني وبينك تلاتين سنة ! (اغنية) / بقلمي/ سعد المهدي

بيني وبينك تلاتين سنة !
ماتقوللي : ياحبيبي .. هوا اخرة حبي لك ايه ..
واعمل فـي قلبي .. اكتر من كده ايه
حاولت اتغلب على حبك ..
لكن غصب عني .. قلبي حبك
واعمل ايه بس انا ! .. وبيني وبينك تلاتين سنة !
ليه سبت قلبي لقلبك يميل ..
ما قالو ف الحب مافيش مستحيل
ليه كنت بتقرب مني وبتسمع كلامي وتكلمني
ليه سبتني اتمنى انا .. وبيني وبينك تلاتين سنة !
انا في حبك صافي النيه .. والقلب لك مليان حنية
راح احطك جوا عنيه .. واقدم لك روحي هدية
لكن تسعدني بقربك انا .. وبيني وبينك تلاتين سنة !
لو يوم بعدت وحياة ربك .. بطمنك ياحبيبي هفضل احبك
لقيت كل اللي حلمت بيه .. وطول عمري كنت مستنية
ايوه انا .. حبيتك انا .. وبيني وبينك تلاتين سنة !
بيني وبينك تلاتين سنة ! (اغنية).. كلمات .. سعد المهدي