لو نركز
-----------------
اليهودية في صميمها
جات بتدعو للسلام
والمسيحية تعلم
أهلها معني السلام
زي اسلامنا يقرّب
كل مسلم بالسلام
يبقي ايه هيا الحكاية
ما تقولولي يا كرام
احنا غيرنا الطريقة!؟
واحنا حرفنا الكلام!؟
احنا بدلنا الحقيقة!؟
واحنا حللنا الحرام!؟
يبقي مين اللي فتنا!
واللي رجعنا لضلام
واللي فكره جه قتلنا
خطته نجحت تمام
كلنا من نسل آدم
قبل ما يكون الخصام
الحكاية واضحة جدا
لو نركز يا إمام
جابر سليمان
ليست هناك تعليقات:
إرسال تعليق