......(( غُربة وطن ))
*********************
ولما رجعت بهمومى
لقيتك لسه ناسيانى
لقيتك ناكره لوعودك
وناكره لحلمى وكيانى
كأنى يا أمى مش ابنك
كأنى نبت شيطانى
********************
برغم عشقى لترابك
بتبقى تملى ناسيانى
وتدى الخير لأغرابك
وابنك وحده بيعانى
********************
بقى معقول أنا ابنك
واوعى تكونى لقيانى
ورضعتينى من صدرك
غِذايا .... ولا برانى
********************
أنا اللى هربت من ارضك
برغم عشقى لترابك
أنا اللى أصلى من صلبك
وناسيه . وفاكره أغرابك
********************
بقى معقول أنا ابنك
وأشرب من مرار صبرك
وقلبى حته من كبدك
ودايب جوه طين أرضك
********************
أنا اللى ف قِبلتك عايش
ايمانك بيا ليه كافر
وسطرتينى ع الهامش
وظُلمك ليه ملوش آخر
وحتى ان كنتى كارهانى
بحبك مش هقول تانى
*************************
الاديب الشاعر / أشرف فؤاد السمادونى
ليست هناك تعليقات:
إرسال تعليق