(( أصعب إحساس ))
( للحزن في قلبي مكان )
أصعب إحساس .....
لما تحس إنك مش عايش
لما تكون من نفسك خايف
لما جراحك تبقى قوية
لما تذوق المر أسيه
تفضل حاضن حزنك وحدك
والأيام بتلطم فيك
أصعب إحساس ....
لما دموعك تملا عيونك
لما أحلامك يوم بتخونك
لما سنينك تأسي عليك
لما تشوف الموت بعنيك
تفضل تهرب من أيامك
وأنت ماسك النار بإيديك
أصعب إحساس ....
لما تموت في اليوم ميت مره
لما تحس حياتك مره
لما الليل بيعدي حزين
لما تدوب أشواق وحنين
تبقى أيام وسنين بتفوت
عايش ميت جوه تابوت
أصعب إحساس ....
كلمات الصدق
فارس الليل الحزين
محمد عطيه محمد
20 / 2 / 2016
ليست هناك تعليقات:
إرسال تعليق