يازمن مليان غدر وجراح
************
يازمن بالغدر والجراح مليان
كله بقى سداح مداح وخربان
يازمن ضاع فيه الآمان
والطيب يقولو عليه غلبان
ضاعت الفرحه والابتسامه كمان
زمن قاسى وغدار ...عيون
مليانه قسوه وشر وطغيان
مهما تكون آسى وجبار
وطعناتك حربه وسكين
هنفضل زى الصلب صابرين
مش هلوم عليك ولا هجيب
العيب عليك يازمان
أصل أنا حمال آسيه وهموم
عمرى ماعرفت اغدر ولأخون
تربيت اكون صندوق للناس
للعهد والوعد والسر أصون
يازمن الاسياد فيه غربان
الحر الشريف فيك غلبان
حل عنى اعمل معروف
حتى الحب فيك مش مألوف
لانه مكروه زى الشيطان
عمال ترمى فينا شمال ويمين
اشتريت الحب بالغالى والنفيس
فى الاخر باع بأرخص تمن
فاكرك فى يوم تنعدل يومين
الاقى وسط الغدر قلب حنون
لكن هنروح من غدرك فين
لما حب العمر يباع بكلمتين
اقول بحبك تقول اصرفها منين
الحب بعهدى فيلا وعربيه عربون
يازمن الغدر والجراح اللعين
حتى الحب فيك بقى بالعربون
وبناره كتير قلوب مكويين
فتحى طنطاوى
6/10/2016
ليست هناك تعليقات:
إرسال تعليق