(( اليوم الرابع))
تقدمنا في هذا اليوم شرقا وتقهقر الهجوم المضاد ..وتخطينا خط بارليف..والنقط القوية
ودارت معارك عنيفة بالاسلحة المشتركة..
وسطر ابناء مصر الحضارة..مصر الرجولة..
أحفاد القادة العظام..الذين شربوا من النيل العظيم..ونبتوا علي ضفافه..ولبوا نداء الثأر
وتجمع الابطال من شمال مصر وجنوبها.وشرقها وغربها..يتسابقون في نيل الشرف العظيم..شرف العبور والتحرير والنصر
وفي هذا اليوم ٩ اكتوبر ..ونحن نتقدم الي الشرق..تعرضت سريتي للقصف بطائرات الفانتوم..وأصيبت مدرعتي وأستشهد بجواري
( محمود محمد شحاتة) من شبرا..وأصبت أصابات بشظية في الركبة وبعض الحروق
وتم اسعافي بالخيمة الطبية..والحمد لله..
لم يتم اخلائي للغرب واكملت المهمة مع العناية الطبية..وكتبت بعد شفائي في ١٤ نوفمبر ١٩٧٣
هذه الكلمات ضمن ديواني ( من وحي المعركة)
بعنوان...( أبطال مصر العبور)
يا مصر..*
من الدلتا ووادي النيل*
والأهرام جينالك*
وفي أيدينا السلاح*
حالفين نرجع كل سينا*
الغالية وقنالك*
وضحينا ..وكان الرمل*
طاير فوق من الفرحة*
وعدينا..وحتي المية*
في قنالك وأشجارك*
لقيت فوقها *
الطيور سارحة*
وطايرة لفوق بحرية*
معدية..عشان تحمي*
الرجال ..تحمي المعدية*
معدية..وفرحانة*
عشان تحمي العلم*
تحمي مدافعنا..وابطالنا*
معدية..تغني بصوتها..أغنية*
وصوت الله أكبر*
يا عرب..هز العدو*
بأرادة مصرية*
وعدينا وسمينا*
وأشعلنا في قلوبهم *
نار .عشان التار*
عشان ترجع لنا سينا*
عشان ترجع أراضينا*
عشان طفلة*
املها تعودتشوف*
بابا البطل راح فين*
عشان شجرك*
واغصانك.عشان زرعك*
عشان رملك.وبترولك*
عشان خيرك*
ما يتمتعش بيه غيرك*
عشان امي وبلدي*
مصر.وقنالك.واولادك*
عشان تفضل مصانعنا*
بدخانها وانتاجها*
رفعنا فوق رمال سينا*
علم أحمر وفيه ابيض*
وفيه اسود*
في وسطه النسر راح يحميه*
وحواليه الرجال*
والنصرفوق رملك*
وبأيديهم وبالدم*
اللي سال صنعوه*
وطهرنا الرمال*
والزرع.وتار بابا الشهيدأخدوه*
هديتنا لمصر النصر*
وبدم الرجال صنعوه*
تعيشي يا مصر منصورة*
واروحنا فداكي يا مصر*
( شاعر المعركة/ عبد الله بخيت)
جبهة القتال ل ١٤ مدرع.
في١٤ نوفمبر١٩٧٣. من ديواني الاول.من وحي المعركة.
ليست هناك تعليقات:
إرسال تعليق