يا كايرو محلى حواريكي / بقلم الشاعر / بيبو البدر الساطع

يا كايرو محلى حواريكي..

ياما حاكينا فيكي حكايات...

 نجيب محفوظ خاد بإيديكي..

وكتب ف جمالك الروايات..

الشعرواي جه ف رحابك..

يسقي العلم ..لينا بالساعات..

عمنا جاهين قال عليكي..

جامده تتحمل الصدمات..

مشاء الله والله مشاء الله

عروسه ولا ست البنات..

جرس كنيسه جنب الجامع..

محلى الاذان محلى الرنات..

كل اللي زارك بيجيكي..

مهما بعد عنك مسافات..

دا البسمه ف وشه ماينساها..

مهما عدى العمر وفات..

على وشوش شافها فيكي.

ف القلعة او ف الاهرامات..

حنطورك الذهبي ملوكي..

على الكورنيش واقف عشرات..

يادوبك بس يشاورله..

من كرمه يلف خمس مرات..

ولااااا اتوبيسك النهري..

كأنه قلب وليه دقات..

يدق كدا مليون دقه..

يشق نيلك و يقول سلامات..

لفلوكه كدا رافعه ساريها..

علم بلدنا منورها..

مع غنوة يقولها ريسها..

لحد ما توصل مراسيها..

يا كايرو محلى حواريكي..

ياما حاكينا فيكي حكايات...

نجيب محفوظ خاد بإيديكي..

وكتب ف جمالك الروايات..

&&&&&&&&&&&&&&

بيبو البدر الساطع....

كلمات تم توثيقها...

&&&&&&&&&&&&&&&

بيبو البدر الساطع. السويفي