ما بجاملك والله يا سمره
عن جد كنتي زينة السهره
الكل غرق بسحرك الفتان
وذابو بمشق القد والنظره
ما كنت بكاس الخمر سكران
وغيري سكر بالكاس والخمره
حسيت حالي بعالم النسيان
لكن بغمز عيونك الخضره
ومن وقتها شارد انا وحيران
بشفافك الحمره بلا حمره
ولا عدت صاحي ولا انا قدران
تا اغمرك حتى ولو غمره
وصوره معك اخذها للذكرى
مثل الكاْني خابيه شربان
وما لي خلق اوعى من السكره
شكلي علقت فيكي على فكره
===محمود شبيب ===
ليست هناك تعليقات:
إرسال تعليق