أم الشهيـــــــــــــد
*********************
أم الشهــــــــيد
جوايا صرخة ومليون ااااه
صرخة شهيد فارق الحياة
قلبي شمس وانطفت
عمرى وردة واختفت
بدور على ابني اتخطف
ببكى على زهر اتقطف
ابني الشهيد
قلبي حاسس بيه وشايفه
كان عايش جوة ليل وخايفه
بيقولى إوعي تصرخي
ياما افرحى
اتخيلينى واسرحى
فوق فـ الجنة مطرحى
ابنك بيترسم
علي الوجوه بضحكته
ساب للحبايب وردته
هيروى مصر بدمعته
ابنك شهيد من طلته
عاشق نيلها وبرها
أمانة ياما ترسمينى
بسماها وأرضها
إدفنينى ياما فـ حضنها
وانقشي اسمي بظلها
مش كنتى بتعلمينى عشقها
وتعلمينى أعشق اسمها
مش علمتينى إنى برضو إبنها
ودمى هوة دمها
لاجل مصر ياما تفرح وترتوي
من ورورد حبي لها
لاجل السواد يزول منها
إوعي ياما تصرخي
او تحسبي اسمي هينمحي
فـ الجنة ياما مطرحى
إبنك شهيد
فى الجنة هيعيش سعيد
مستنية بكرة الجديد
عشان أشوف ابني الشهيد
(بقلم//عبير الجندي)
ღ•::•ღ همسـღـات اســــتثنائــღــة ღ•::•ღ
ليست هناك تعليقات:
إرسال تعليق