حلم أبيض
أنا اللى حلمى كان أبيض
بياض التلج
نزلت لدنيتى مغمض
بخاف م الوهج
فتحت كتابى وهعوض
آهات الفج
فاكرها الدنيا لون وردى
هتفرد نورها على قدى
واتعلم ليوم سعدى
وسنين المر هتعدى
وترسى لبر وتودى
يا موجه أمانه لتهدى
وحاسبى عليا ما تهدى
ولا تعلى ولا تصدى
كفاية من الهموم عندى
ظلم من ولاد جلدى
تعبت من بكى نوحى
ولملمت لجميع روحى
علشان اداوى فى جروحى
وتاه حلمى وتاه بوحى
وفاض همى بأسي نوحى
مصطفى قمر
ليست هناك تعليقات:
إرسال تعليق