تيجي بالله نرسم كام وردة / بقلم الشاعر / بيبو البدر الساطع

تيجي يالله نرسم كام ورده..

ف جنينه حلمنا سوا بيها..

نعيش فيها أحلى ايامنا..

والقمره تنور لياليها..

دا اللي ماكنش على بالي..

ان انت تبقى محبوبي..

ياحلم رسمته ف خيالي..

وحروف نسماتك مكتوبي..

من نظره واحده اخدني هواك..

والقلب زادت دقاته..

العمر كله راح استناك.

واصبر ع الحب واهاته..

ياحبيب الروح انا بتمناك..

ياطيف في ليلي وهمساته..

تبعت مراسيلك وانت هناك..

ااقول في بالي يمامه شارده.. ِ

تايهه و مش لاقيه وليفها..

طايره وبجناح الشوق فارده..

وكان م الصعب اني أشوفها..

جايه من عند الحبايب..

اللي القلب فيهم دايب..

مكتوب فيها نفس كلامي..

اللي حلمت انا بيه ياما..

تيجي يالله نرسم كام ورده..

ف جنينه حلمنا سوا بيها..

نعيش فيها أحلى ايامنا..

والقمره تنور لياليـــــــــــــــــها..ِ

&&&&&&&&&

بيــــــــبو البـدر الســــاطع 

كلمات تم توثيقــــــها ...بيبو