شعر عامية / بقلمي / عبيد رياض محمد / ** ليــــــــه **

** ليــــــــه **

ليه تسيء الظن فيا
و إنتي أقرب مني ليا
و الحياة من غيرك إنتي
إيه تكون

ليه كدا دايماً مفارقة
دا الحياة مابقتش فارقة
ليه كدا فِ الوّهم غارقة
و بيتعبك كُتْــر الظنون

ليه تقولي عليا خاين
و الحنين في عيون باين
عايش حياتي لهواكي صاين
و إنتي غلباكي الظنون

عايزة إيه ما تقولي يالله
حبّي ليكي مش مجاملة
زيّ ما أكون عملت عملة
نـــزلت دمــــع العُـــيُّون

نفسي أقول اِحساسي بيكي
و الحنين فيا يناديكي
لما اشوف نظرت عنيكي
كل شيء في الكون يهون

لو تصدق يا حياتي
ياللي حبّك هو ذاتي
والله لو تطلب حياتي
لأجلك إنتي الرّوح تهون

نفسي أقول من قلبي حاجة
عشت وياكي في سعادة
لو لغير الله في عبادة
لغيرك إنتي ما تكون

لـــــــيــــه
بقلمي / عبيد رياض محمد
15 /7/2016