(( هيا الدنيا فيها إيه ؟؟ )) / بقلمي/ دِ/عمر عبد الجواد

... (( هيا الدنيا فيها إيه ؟؟ )).....

هيا الدنيا فيها إيه ؟؟
غير نظرة من عنيكي
بالعالم واللي فيه .
و لا لمسة من إديكي
تصحي شوقي ليكي
والفكر يروق والقلب يفوق
م الجرح اللي بيه .
وأسلم ليكي أمري
والدم في عروقي يجري
والروح تعود إليه .

هيا الدنيا فيها إيه ؟؟
غير نسمة من عطر دلالك
القلب يحن ليه .
أول عيوني ما تلمح خيالك
تسرح في سحر جمالك
وأتمني ديما وصالك
وبعادك ما أفكر فيه .
ومعاكي انسي نفسي
و يسبقني ليكي همسي
والشوق يبان عليه .

هيا الدنيا فيها ايه ؟؟
غير كلمة حب حلوة
وهمسة شوق وغنوة
..نسمعها سوا .
تاخدنا لدنيا تانية
نجومها علينا دانية
..ويدفينا الهوي .
نسهر علي هوانا
و شوقنا هو سمانا
ولا حد تاني معانا
.. يسألنا إزاي وليه ....؟؟؟

دِ/عمر عبد الجواد