جاي تلومني
بقلم اميرة مجدي
جاي تلومني وتعاتبني
جاي تلوم جوايا ظني
ما أنت لو قدرت حبي
كنت تعرف ليه بغير
كنت عذرت فيا غيرتي
كنت عشت ليا وحدي
كنت راعيت كل مشاعري
ودمع ساكن في العيون
يا حبيبي الحب غيرة
والمشاعر فيه أسيرة
وفي وسط الدنيا الكبيرة
قلبك أنت وحده كون
ليه تلوم جوايا غيرتي
وأنت شايف كل حيرتي
ما أنت لو قدرت حالتي
كنت تعرف ايه تكون
يا حبيبي اصفح وسامح
وانسي اللي كان امبارح
وادي فرصة للتصالح
وامحي جوايا الظنون
ليست هناك تعليقات:
إرسال تعليق