يانفسى
************
انا نفسى الاقى نفسى
واكون متصاحب
معكى فى يوم//////////
ان بحاول الاقيكى
وممكن اصاحبك يوم
واداديكى واحايل
طيفك الوردى
والعاقل على مجنون
ولكنى قاعد اراضيكى
و طول الوقت أناديكى
///////////////
يا نفسى
اعملى معروف
منيش قادر
اعيش محروم
وكل ما اجى
اخدك
فى حضنى
تهربى
منى
وتتوهى منى
جوايا
واعيش تايه
وانا
برسم صورتك
بالمقلوب
=============
يانفسى
///////////
ابوس ايدك واكون
حارس لاحلامك
قولى لى ازاى اكون
خادم تحت رجليكى
واكون عاقل
ومش مجنون
============
يا نفسى
*************
صاحبى قابلنى فى يوم
وقال مبروك بقيت شاعر
ضحكت عليه من جوايا و
قلت له اسكت وبارك لى
انا بقيت مجنون
دنا بشد الكلمه من
خشمى بسلب مجدول
وهيا عاصيه ومعانده
زى خروج الروح
تعذبنى وتحاربنى
وارسم فى حروفها
طول الليل واغازلها
واسقيها مية ورد
وااكلها بايدى الشهد
لاجل ماترضى
تخرج منى
ولو بصوت مبحوح//////////
واول ما الفجر بيشقشق
وتسمع صوت عصافير
تتسحب زى الام
لما تطبطب على طفلها
لما يروح فى النوم
وهيا بتضحك منى وعليا
وتعدل فى هندامها وتقولى
وهيا بتشاور سعيده وباى
وانا بحايلها تخليها
جنبى ولو لحظه اصورها
قبل ماتفارقنى
وابتسامتها توجعنى
زى خروج الروح
*** لكنها بتهرب
وارجع ادور من
تانى فى بستانى
على التشكيل
والضمه والمنصوب
والاعراب
والفاعل والمفعول
واخد قاموسى
فى احضانى
واراجع الوزن والقافيه
والنغمه والتفعيله
وحاجات بتعلمها
بالعافيه
وانا كل املى
الاقى كلمه مرسومه
على معنى وليها نغمه
وصوت مسموع
لحسادى والتايهين
وكل املى لما الاقى
نفسى التايهه العاصيه
اكتب حرف وكلمه
توصف بس اوجاعى
واصالح بيها نفسى
او اقولها لحد يفهمها
ومش عارف امتى
هاكون عاقل
ومش مجنون
************
دنا مجنون
ونفسى تعبانى
ومش راضيه
عليه تحن
ومش فاهمه انى
انا
روحى فى غيابها
بقت بتئن
وكمان منها
بقيت محروم
يا نفسى
**********
اوجاعى بتؤلمنى
وقلت اروح
لدكتور نفسانى
يدوينى
ولما روحت
وسمع منى
ضحك بصوت عالى
وبعديها
دموع عيونه
نصفونى
وظهرو لى
قالى
خلص الكلام
ويالا قوم
وانا هاجى مكانك
وداوينى
لانى انا كمان
نفسي تايهه
جوايا
ومش راضيه
تصالحنى
============
بقلم ///محمد العليمى////
ليست هناك تعليقات:
إرسال تعليق