.......(فرحة رمضان ).......
وأخيرا فرحة وهليله
موجودة على تلاتين ليله
هتلمنا كلنا والعيله
جربنا ومافي غيرها وسيله
ع الأكل هناخد تصويره
والفجر هنصلي جماعه
والفرض أصبح له طاعة
والمسجد يتملا ببراعة
والسنة لها ألف إذاعه
والذكر هيكتر ترتيله
وهننوي ولآخر الشهر
وصيامنا للجنة المهر
تتفك حياتنا من القهر
ماهو شهر كريم أكبرنهر
أيامنا في الدنيا قصيره
هنودع أخلاقنا السوده
والعين ولامرة حسوده
والخير يخضر له عوده
والعمر هيظهر مقصوده
والغني بقى زي فقيره
في الأكل والشرب ياخلي
صايمين على وقت محلي
والمغرب يأذن ونحلي
دعواتنا عمرها ماتولي
مقبوله في أول تكبيرة
ماأنا صايم ع الكلمة الوحشه
والجار ديما له وحشة
يدعيلي وأنا زيه أدعيله
ويارب في صيامنا إقبلنا
أخلاقنا صبحت في قيامنا
محتاجنا كلنا نعطيله
وأخيرا فرحة وتكبيره
نفطر نسحر في العيله
ونزور يجي تلاتين ليلة
والفرحة على اي حصيرة
وفي آخره القدر ليلتنا
نتلم وولاد حتتنا
والمولى يسمع دعاوتنا
في لسننا الخير له سيره
ونعيد على بعض تملي
والفرحة بالناس بتعلي
وختامنا القرآن ترتيله
........(شعر)....ّّ......
عبد الله السايح
ليست هناك تعليقات:
إرسال تعليق