-----------------بحبك يا مصر-------------------
بحبك يا مصر يا ساكنه جوا قلبى
يا كل حياتى وأساسى ونبضى
ومهما قلت فى حبك والله ما أوفى
بلد العلم والمناره ضمينى ضمى
بحبك يا مصر يا ساكنه جوا قلبى
يا أم التاريخ والحضاره مشتاق يا عمرى
ونشيدك يا بلادى بيسرى مع دمى
مهما وصفت فى جمالك أنتى غنوتى ولحنى
بحبك يا مصر يا ساكنه جوا قلبى
بروحى أفديكى وفداكى كل عمرى
ولما أشوف دموعك بقتل الخوف ويزيد صبرى
يحفظك رب العباد ياللى ملكتى كل نبضى
بحبك يا مصر يا ساكنه جوا قلبى
فيكى أنا الهايم راسم حلمى على نيلك وبغنى
حتى الطير فى قلب السما عاشق ليكى يا عمرى
بحبك يا مصريحفظك رب الكون يا أمى
الشاعر / على فياض البلصفورى
قطرات الندى
ليست هناك تعليقات:
إرسال تعليق