عاشق وليلي طويل
للشاعرة مروة سليم
عاشق وليلى طويل
تايه بين المواويل
مستنى كلمه تطيب
قلب بحبه عليل
عاشق ومالى غير
السهر والنوح
لو كنت اقدر اقول
او بحبه ابوح
كانت عيونى تنام
وما سهرونى الليل
عاشق وليلى طويل
سهران ومستنى
والصبر طال واتاريه
راخر زهق منى
وانا اقول كلامى لمين
او مين هايسمعنى
وحبيب الروح يا ناس
غايب بعيد عنى
عاشق وليلى طويل
تايه بين المواويل
مستنى كلمه تطيب
قلب بحبه عليل
ليست هناك تعليقات:
إرسال تعليق