وعجبي بقلم الشاعر / حسين ابراهيم

★★★( وعجبي)★★★
بقلمي..حسين ابراهيم
وعجبي..
علي جدع في شمس
عصرية..
تحت صفصافة قعد يرتاح
مالتعب خدته غفوة
فرد جسمه في نومه
راح
فاق والشمس مايله لغروبها
بتلم توبها للمرواح..
فرك عينه علي صوت
غزاله عالترعة بتملي
جرتها..
بحنان وشوق وصوت
كروان بتغني غنوتها..
الليل مفرود علي كتفها
وضهرها
والوش بدر محلياه العيون السود
عيونه وقعت عليها
قال سبحان من صور
العود
قام يسوقه العطش يشرب ميتها..
برقة ضحكت له
خبط علي باب قلبها
فتحت له..
سلم عليها ودخل
ماشافش تاني الباب...