(قبل ما أقابلك)
قبل ما أقابلك كنت بأقابلك
صدق إني ما حبيت قبلك
عارف إزاي
كنت بأقابلك جوة منامي
كنت بأقابلك بين أحلامي
دايما أبدأ بك في كلامي
لما تكتب اسمك سنون أقلامي
كنت بأقابلك قبل ما أقابلك
ولا حبيت يوم من قبلك
عارف إزايكنت بأشوفك بكوب الشاي
بسماع صوتك في عزف الناي
لما يخرج صوت لبكاي
وأنا بأتنفس حتى هواي
بلمحي لطيفك رايح جاي
كنت بأقابلك قبل ما أقابلك
ولا حبيت يوم من قبلك
أيوة قابلتك وإنت مصدق
لما كنت في مرايتي أدقق
لما لساني من ندايا يشقق
وأنا في الأرض أبص وأمقق
عند ما أحس عيشتي تزهق
عرفت قابلتك بدري إزاي
مانتا عرفت بصراحة مني
يا ألماسة غالية جوة النني
عصام أنور
الجيلاني
ليست هناك تعليقات:
إرسال تعليق