ماشى مغمض
انا شفتنى ماشى مغمض
مكبوت ومش قادر افضفض
واقع !ومش قادر انهض
وجسمى ساخن ومفرهض
وضغوط كتير من غير مقبض
عملت اعمه ولا فلحتش
صابتنى لعنه ولا نجحتش
كترت ديونى قلت احشش
فلاح فى ارضى ولا زرعتش
علم وكتابه ما حصلتش
ضحكوا الديابة رحت مفلس
ما احنا فى غابة وبنهلس
انا اصل شعب الفول دمس
بالمر ياكل ويغمس
وتمللى ساكت وملمس
الحق نايم فى الترمس
ركب الباطل فيه عسس
يا شعب عاطل ما بيهمس
بطل تواكل قوم تربس
كل خصالك شىء يفرس
مصطفى قمر
ليست هناك تعليقات:
إرسال تعليق