وطن واحد .بقلم / أحمد شاهين
راسم حدود الوطن
أربع نواصى وبيت
الكل فيه اهو سكن
وف نفس نفس البيت
بدرومه لامم خلق
قاعدين يقولوا ياريت
محبوسه كلمة حق
عايشين على الفتافيت
اما اللى فوق منهم
شبابيكه ع الناصيه
الشمس ضيف عندهم
اما القلوب قاسيه
وإزاى هتوصلهم
ياللى فى نفس البيت
اما اللى فوق الفوق
ما وصلش ليهم شوق
ناطحين سحاب الأمل
ويا عينى ع المخلوق
مع اننا سكان
وف نفس نفس البيت
لما الشروخ هتزيد
يتهد بيتنا أكيد
ما تيلا إيد مع ايد
يترم بينا البيت
سكتنا . إيد واحده
قوتنا فى الوحده
ونقول بروح واحده
وطننا هو البيت
كلمات / أحمد شاهين
12 / 11 / 2016
ليست هناك تعليقات:
إرسال تعليق