قاضي الحشيش « للشاعر يوسف الحمله »
قولي يا قاضي الحشيش
بأي كتاب كنت بتحكم
وعلى أي أساس
كان حكمك ما بين الناس
لما تتاجر في الحشيش
سيبت ايه للناس الأنجاس
شاطر بس تقول « لا »
على الملأ لإبن الكناس
وقولي
كااااااام قضية حشيش
حكمت فيها بالبراءة
وكااااااام قضية دعاره
وكااااااام قضية حجر
وكاااام قضية إختلاس
وإفلاس وتبديد وخساره
والله ما عليك ملامه
الملامه ع اللي عينك
وتاريخك لو إنفتح
هيكر ياما ويااااااما
بالذمه مش حاجه تغيظ
جاي على أطهر توب
وتلوثه
ولا انت قسمت اليمين
والنيه تحنسه
وكام مظلوم جالك انت
وكنت بتحبسه
مصعبش عليك حال الغلابة
مشفتهمش في كل شارع
وهما بيكنسه
وبيتغطوا في عز البرد
بورق الجرايد
وانت في حقهم وقفت
علشان تبخسه
دول لما كانوا بيشفوك
كان نفسهم حتى يتنفسه
اللي كنت بتتنفسه
كان نفسهم حتى يلبسه
اللي كنت بتلبسه
ولا عينك على الحشيش
وازاي تبقى معلم كبير
وتعرف تكرسه
وتسمم في أبدان الناس
وتقرب الملح من الجرح
وبإيدك تدعسه
وازاي بس قلبك يطاوعك
ترمي الضمير على الأرض
وبالجزمه تهرسه
بقى هو ده القضاء الشامخ
اللي عيشنا نأسسه !!!
اللي في مناهج التعليم
كنا بندرسه
يا خساره على التوب الطاهر
لما الأوساخ تنجسه
يا خساره على التوب الطاهر
لما الأوساخ تنجسه
قاضي الحشيش
بقلم الشاعر يوسف الحمله
12/11/2016
ليست هناك تعليقات:
إرسال تعليق