★★★★( أنا راضي)★★★★
بقلمي..حسين ابراهيم
حبيبي
كتير محيرني
وطول ليلي..مسهرني
أنا راضي..
يحيرني يسهرني
ورافض أنه يهجرني
قلت سعادتي في قربه...
لقيت عذابي في حبه
حاولت أمتلك قلبه...
لقيته هو مالكني!!!
ومش راضي يملكني...
لحظة أكون جنبه
حاولت أكون عليه قاسي...
وماقدرتش!!!
وحاولت أكون ليه ناسي....
وماعرفتش!!!
أنا راضي
يحيرني يسهرني
ورافض أنه يهجرني
لما ببص في عينيه...
عين فيها الجنة..
وعين فيها النار..
صبحت في أمره أنا محتار
نهاري ليل وليلي نهار...
وخدني هواه..مع التيار
لأنا عارف إزاي أرجع!!!
ولاقادر ف الأستمرار
أنا راضي
يحيرني يسهرني
وأرفض أنه يهجرني..
ليست هناك تعليقات:
إرسال تعليق