استيفاء
كل النظام ماشى بورق
كله طابور للى سبق
ورق *ودور*فيه مفترق
ورق حضور وغياب ورق
ودور طابور ناس تتحرق
ناس بتغرق فى العرق
وقوتها ضاع وبيتسرق
وناس فى تكييفهم طبق
وناس بتكليفهم نفق
جواز سفر حبة ورق
وتاريخ ميلاد حبةورق
حتى الوفاة برده فى ورق
طوق النجاة بينا غرق
حتى الفلوس طبعة ورق
طمع النفوس اصله الزهق
سبحانه واحد لك خلق
آدم ولكل العلم له رزق
دنيانا مضمار للسبق
فيها الحصان اللى سبق
ويا الحمار اللى نفق
عملك ملايكة تكتبه برده ورق
عامل حويط لما نهب لما سرق
ساوى فى كل لعبته حبة ورق
وباع معاهم دنيته يوم يتزنق
مابين ايادى ربنا عند العرق
مصطفى قمر
ليست هناك تعليقات:
إرسال تعليق