بكره زى دلوقتى
بقلم . شحات خلف الله عثمان كاتب وَمُحَامْ
بكره زى دلوقتى هاروح لمدرستى ...
شنطتى على ظهرى وفيها كراستى ...
وفيها كمان مسطرتى وقلمى وبرايتى ..
هأخلى دنيتى تُصرخ بـَمجدى وفَراستى ...
وارجع أذاكر دروسي وأدى فروضى ...
ومش هأسمع كلام غشاشين عهدى.....
ولا هأخد كمان دروس ما هو تعليمى بمدرستى ...
هأرسم شجر وازهار وأحلم ويتحقق فى العلا ذكرى ....
دى احلام بنتى وابنك يوم ما كمل الست اعوام ..
هوه لسه بيحلمها وفاهمها حاصله دلوقتى ....
وطلع النهار لقى التعليم خربان ودمار ...
مناهج تحتاج تقويم زى تقويم الأسنان ...
ومدارس محتاجة متارس اخلاق زمان ...
ومدرس ليه شأن وقيمه ومكان مربي أجيال ...
احترام وتربية ونصائح كراسه كانت زمان ....
وحتى النصائح اتمسحت من على سور الحيطان ....
الدرس الخصوصى لازم تدفع علشان تنجح العيال ....
هوه معذور واللى ما يعذر يبقى عايش أوهام ...
منظومة فاشله بكل المقاييس والسبب عدم احترام لمدرس غلبان ...
ارتفاع أسعار فى زمن إدفع تعيش معزز بإحترام ...
إهتمام برقص وطبل ومزامير شيطان وميزانية اعلام ...
آما آيات قرآن وترانيم أنجيل فى مدارس هتطلع خلايا ارهابيه تدمر المكان .....
بلاها اعتصموا وخليها أهتزوا على التعليم اللى كان ...
ميزانية علم وتعليم اخر اولويات واهتمام ....
والعيال هنغششوهم ويعيش الفيس الهمام ...
مش فارقه يا بن الحلال حتة ورقه هياخدها مهما طال الزمان ...
وهيقعد على كرسي فى قهوة ينتظر غربة مكان ...
ما هو سوق العمل مش متاح ليه بسبب سوء إختيار ..
وخبراته فى التعليم ما تساعد حتى الحمار علشان يعرف مكان ....
ليست هناك تعليقات:
إرسال تعليق