قلبك حجر / شعر / تامر ابوهيبه
مليون خساره مليون خساره
قلبك ماهواش زي قلبي
حبك ماهواش قد حبي
قلبي أنا حب بضمير
وحبي يا غاليه كان كبير
وقلبك انتي كان حجر
فيه كل الوان العذاب
واسف نسيت انك بشر
فاكرك ملاك وانتي الهلاك
وتاه الطريق بنا وانحصر
وقلبك انتى كان حجر
كل الشموع بينا انطفت
وحاولت اشيل منها الجفا
سالت دموع واتحطمت
متشوقه للحظه وفا
وقلبك أنتى كان حجر
ورجعت ادور والساعات
متشوقه لبرهة سكات
حتي اللي فات من ذكريات
أصبح رماد تحت المطر
وقلبك أنتى كان حجر
وأنا مش هالومك يوم واقول
حطمتي جوايا الامل
بقي مستحيل بعد السيول
تاني الصخور ترجع جبل
وقلبك أنتى كان حجر
مليون خسارة مليون خسارة
شعر \\\\\\\\ تامرابوهيبه
ليست هناك تعليقات:
إرسال تعليق