حاجه تجنن بقلم الشاعر / فارس ابو تريكة

حاجه تجنن
حاجه تجنن حاجه تحير
حاجه تحزن حاجه تمرر
قلبي اتجرح ممنوع يفرح
وانا علي الحزن شكلي صغير
حاجه تجنن حاجه تحير
حاجه تحزن حاجه تمرر
القلب اهو ميت وتوفي
مع انه كان عايش اوفي
حتي حبايبي ظالمين قلبي
الكل فيا شمتان واتشفي
حاجه تجنن حاجه تحير
حاجه تحزن حاجه تمرر
انا قلبي دايما بيت عيله
كان شايل عن اهلي الويله
وانا ضحيت بشبابي وعمري
بس خساره كسرتني الشيله
حاجه تجنن حاجه تحير
حاجه تحزن حاجه تمرر
ماشي اعمي ما انا نظري ضعيف
حتي طريقي بقي شكله مخيف
دمعي معايا جرحي عصايا
استرها يا رحمن يا لطيف
حاجه تجنن حاجه تحير
حاجه تحزن حاجه تمرر
الضحكه كانت دي عنواني
مع ان انا كسراني احزاني
كنت بمثل لاجل اكمل
بس الدنيا تملي معنداني
حاجه تجنن حاجه تحير
حاجه تحزن حاجه تمرر
انا املاكي بحور حنيه
ثروتي كانت طيبه يادنيا
راضي بحالي وراس مالي
حب ومتبرع بيه في وصيه
حاجه تجنن حاجه تحير
حاجه تحزن حاجه تمرر
حتي الاهل بجهل الماده
كل سقاني مر الوحده
كله ظلمني باعني وخاني
كله بينساك وقت المحنه
حاجه تجنن حاجه تحير
حاجه تحزن حاجه تمرر
ناس ناسيين وناس قاسيين
ولا واحد عارف انا مين
اغم عليا فتحت عنيا
لقيت بوابة دار المسنين
حاجه تجنن حاجه تحير
حاجه تحزن حاجه تمرر
دنيا صحيح ومش بتدوم
بختي نصيبي اعيش مظلوم
عشت كل حياتي ضحيه
انا كان نفسي افرح يوم
حاجه تجنن حاجه تحير
حاجه تحزن حاجه تمرر
يارب انا مش عاوز غيرك
انا راضي وكده كتر خيرك
بس انا نفسي بجد ياربي
تأمر امر اموت واجيلك