يا أم العيون ف الحب تأمر أمر
ست البنات وأرق مافي السمر
الوقت ليه وياكي بيعدي
والثانيه ليه جنبك بمليون عمر
يا أم العيون ويا السمار لايقين
مين اللي زيك وف حلاوتك مين
حبك بيجري في دمي وعروقي
عشقك في قلبي أحلي شوق وحنين
اوصف بإيه الرقه والأوصاف
خايف عليكي من الهوي وبخاف
رقه عيونك ضحكتك قلبك
زي النسيم ناعم أوي وشفاف
لمسه ايديكي زي نسمه حرير
حسنك جمالك شئ ملوش تفسير
يا أم العيون والضحكه مرسومه
أنا م الهوي دايما عليكي بغير
ليست هناك تعليقات:
إرسال تعليق