ياصاحبى
لو حَدّ يوم خَاصمك
ياصَاحبى رُوح صَالْحُه
لو كان يوم شَتَمك
طَبْطَب عليه .. سَامْحُه
يمكن لَمّا شَاف ألَمَك
إفتَكَر أكيد.. جَرْحُه
ويمكن كلام قَلَمَك
ماقْدِرش يفهَم شَرْحُه
إزرع بإِيدك كَرَمَك
واوعَى تِستَعجل طَرْحُه
واللّى عَشَانَك خَدَمَك
إفرَح لُه يوم فَرْحُه
واللّى فى الخِيرعَزَمَك
أُشكُرُه واسْتَطعَم كمان مَلْحُه
بقلم / سيد عبدالوهاب
ليست هناك تعليقات:
إرسال تعليق