كل تعب السنين وگلي راح أنسه
ليش تگول أحبك والعشك ونسه
تصورتك تحبني وآنه وردة شوگ
طلعت بذات ما أثمر عشگ خلسه
وين تريد شوگك ليل مابي روح
حبك من زمان مضيّع المرسه
روح بعيد أخذ وياك كلب تعبان
فاقد للأمل ومن ظلمك أتقسّه
عليمن تجرح انت گلوب تنزف دوم
گلوب الماتحب ماتعرف الهمسه
يالعيونك نبل ومنطلقة من القوس
ورموشك سهام بكلبي منغرسه
گبل توصف بعيوني نجوم الليل
وهسه عيوني صارت وحشة المنسه
لاتجرح گلب الدنية تعثر بيه
ولا تترك جرح من تعبر تحسه
بحبال الوكت تتعلك أنته هواي
وتلعب بالحبل وتشوف بي ونسه
لو دار الوكت وأرجعت تطلب عون
مثل عريس يفرح يرگص بعرسه
ما تلگه أبد شي هم بعد ينگال
ولا تلگه كلب عالجرح يتمّسه
ابو رؤى قاسم الدوسري
ليست هناك تعليقات:
إرسال تعليق