{ فلاح بيصرخ.....؟}
فلاح بيصرخ م التقاوى......................
..............أسمع حكايتة لو كنت غاوى
فى سطور حقيقة مش كلام..................
.................بهديها للناس العظام
وخليك معايا لو كنت ناوى....................
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
أرضى بتنكر زرعها ...................
..........ودمعانة عينى ..................
رغم التعب ضاع الدهب ................
.............ياأهل الضمير مين يواسينى
القطن خاصم أرضك وقال.................
............مفيش جواز يا أم العيال
وصوت المصانع بطل ينادى .................
...........فى الدلتا عندى وشرق الوادى
مهموم وبكتب ....بس الحقيقة................
..............جايز تشمت فيا الأعادى
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
فين بسأل ياطويل التيلة......................
................فين أيامك الجميلة
والله الأرض بعد منك .......................
.............رفضة البذرة أه وعليلة
مية صرف بتشرب لية........................
................والسرطان فى البذرة يابية
خلا الزرع يفتح بدرى ....................
...........ومعاه ضاع تعبي وعرقي
والقنطار علشان تجنية ......................
...............محتاج جمع بألف جنية
والله تعبت ياسيدنا البية......................
...............خايف أبيع الأرض وأموت
ملقيش ليا كفن وتابوت......................
.............ما أحنا بقينا فى عصر الجوع
طب فهمنى لما نجوع ..........................
.................السرطان راح ياكل أية
والله تعبت ياسيدنا البية...................
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
والله حقيقة يوماتى بشوفها ..................
............فى وش أبويا وعمى وجدى
وجارنا كمان لما بيحكى ...................
............من حكاويهم بقعد أبكى
بخود فكرة وأنقل صورة ....................
...........ونفسى الصورة تبقى حقيقة
ولما تلون فيها ياعمى ......................
.............خلى ألوانك تبقى بريئة
{ فلاح بيصرخ......؟}
بقلم الشاعر
السيد انور إبراهيم محمد
ليست هناك تعليقات:
إرسال تعليق