..نفسي في قلب..
ــــــــــــــــ
نفسي في قلب بلاستيك اصلا
ميكونش يشبه أي قلوب
تبقي مشاعره..
عادي جدا زي الطوب
مهما تخبط فيه ميحسش
إن كسرته ميتحسرش
وإن فكرت في يوم تبنيه
عادي برضوا ميتأثرش
نفسي في قلب ملحد جدا
مؤمن كافر بـ الأوجاع
لما الجرح يزيد جواه
يشربه شيشه ويحكي معاه
نفسي في قلب لما يكح
ميعذبش فيا..
ويعمل جوه دماغي ألف صداع
نفسي في قلب يكون بياع
بس كتير م الدنيا يساع
يبقي مجرد فيلم قديم
لبني فيه بتحب حليم
يبقي جنيه زمن الملاليم
نفسي في قلب يشد في شعره
يعمل فيها عبيط بـ مشاعره
تبقي ملامحه كما المجانين
يضحك اد مايضحك لكن
يفهم لعب البني آدمين
.............................
بقلم :-أحمد عبدالباقي
ليست هناك تعليقات:
إرسال تعليق