. ......... (( زكاتك ))...........
زكاتك...ياتري إفتكرت زكاتك
ولا نسيتها وشغلوك أولادك
في الآخرة ما حد هيوعالك
لا مراتك ولا حتي ولادك
و صيامك متعلق فيها
وفييها قبل ما تنهي صيامك
و تطهر نفسك وتزكيها
وأمراضك بزكاتك راح تشفيها
و مالك ما هينقص بيها
دي البركة هتحل في مالك
دنيتنا غرورة وكدابة
مليانة حيتان وديابة
إياك تنسي حق الغلابة
دي زكاتك هيا اللي بقيالك
و ربنا بيحب السخي بجد
وحبه للفقير السخي أشد
و زكاتك واجبة علي أي حد
ولو رضيع في حجر ولادك
و بزكاتك هتفرج همك
و الإيمان هينور قلبك
ربنا يتقبل مني ومنك
ويختم بالصالحات أعمالك
و بشائر العيد أهي هلت
و أنوار الحق م السما طلت
ورحمته علي الصايمين حلت
فاشملنا يارب بعفوك وغفرانك
د/عمرعبدالجواد
ليست هناك تعليقات:
إرسال تعليق