...........( عالم غريب )....(2) .......
عالم غريب....
و كل شيء فيه أصبح عجيب . ....
الرحمة راحت م القلوب ...و لا حد حاسس بالغريب
علي الأرض فرش جسمه...و الغربة ضاربة علي رسمه
و لا مخلوق عرف إسمه .....وجاب له رغيف و قسمه ..
و يكون ليه في الآخرة نصيب ...
حط إيده تحت خده .......و عمل شواله مخده
و لا حد فكر لبيته ياخده... .ياتري إيه اللي هناخده
من الدنيا و القبر منا قريب .....
غريب و طاعن في السن....داير في البلاد يئن
لا له إبن. عليه يحن...و لا مؤمن عليه يعطف و يمن
مسلم يوحد ربه أو مسيحي يمجد سيده و معلق صليب. ..
عالم غريب.....و كل شيء فيه أصبح عجيب....
و طفل يتيم فرش الحصي...لا أذنب و لا لربه عصي
و سيدنا النبي عليه وصي....و ربنا نعمه علينا لا تحصي
من يكفله يفوز بجوار الحبيب.....
راقد و ساند راسه ع الحجر...و كإن لقي قلب الصخر
أحن. عليه من قلوب البشر....منين يارب نحيب الصبر
علي عالم غريب....كل شيء فيه أصبح عجيب.....؟؟؟
د/عمر عبد الجواد عبد العزيز
ليست هناك تعليقات:
إرسال تعليق