خانق ومخنوق
خانق ومخنوق يشتكى
والليل بيرفض شكوته
والنيل بيحضن دمعته
ميه بتروي سكته
تطرح ورود وعبير يفوح
يشفى الصدور فى محنته
شكواه من ظلم الوطن
دمعه فراق اهل وسكن
غربة سنينه كانت شجن
يكنز فى مال كبروا العيال
وفى الغربه دبلت وردته
حس بأسى شيبه اللى طل
صرخة ولاد ف بعاد وذل
غنوا الولاد عاش الوطن
كان حلم غاب وله تمن
فردوا الجناح قابلو الرصاص
جاى الخلاص ***الورد يوم هنوزعه
فى قلوبنا حتما نزرعه **وننسى القصاص
حلم اكيد بنرجعه من اللى يوم كان قطعه
صحيوا الولاد شافوا كابوس ضلمة نفوس
وناس بتهوى المصلحة متمرجحه
وعيون فى غاية المقبحة ومفتحة
سرقوا الخلاص تاه المناص
وقلوب بشر ملزقة جايبة معاها مشنقه
فيها الرقاب متعلقة ومتغلفة بطعم السكات
والحلم مات
#مصطفىقمر
ه
ليست هناك تعليقات:
إرسال تعليق