مين اللي قال
حبيبتي ماتت
مين اللي قال
أيامها فاتت
دي كل حاجة
فيها فاضلة
وكل حاجة منها
باقية.فمتقولوش
حبيبي راحت
هي بس بعيد
في رحلة
بس سابت
كل حاجة
مكانها لسه
حتى جدران الحيطان
كاتبة فوقها أو حتى
راسمه..ده ورقها
وده القلم ال ياما
عنها قال وال كان
يحكي الألم
ودي كتبها ال
لسة شايفها فيها
أصل كت بتحبها
وكل حاجه ليها
ذكرى..
حتى أوقات الندم
في كل حاجه
شاركتها..
حتى..
في طريق علمها
كنت واقف جمبها
عمري يوم ما سبتها
كل حزن جوة منها
لسة شايله عنها
عشت أبوها
كنت أخوها
كت تقولي
ابني وحبيب عمرها
مين اللي قال
حبيبتي ماتت
هي سافرت
وكل يوم أنا في
إنتظار..
بشرب الشاي
زيها فيه معلقة
سكر يادوب
وبحكي
يومي كله ليها
عملت إيه
كلمت مين
وقابلت مين
ف أصحابي
ولو اتأخرت
بتاسف لها
أيوه حاسس
بيها جمبي
لسه نفسها
وحضنها
هي دي كل
حبايبي..
أم بنتي.
أغلى دنيا
واحلى حاجه
عشقتها..
يا آل شايفين
الموت نهايه
دي البدايه
ال فيها ذاد
هواها
بدايه تانيه
لحبها ولعشقها
سلمولي على الفراق
قلولوه روحي عندها
كنت كل رحلة اروحها
تقولي روحي معاك حبيبي
ولما أسافر يوم واغيب
تقولي حبك ده نصيبي
وشوقي ليك أكتر كتير
وانت قريب من بعدها
حبيبتي.. عارف في البعاد
مشتاقه روحك للقا
وروحي عندك يا حياتي
ومسيرنا نتقابل بقا
وقال ايه يقولوا
انسى ال فات
خليك فى بكره
حتحب غيرها زيها
أبدا حبيبتي للممات
عايش بروحها وضلها
أنا أصلي شاعر زيها
قولوا لها..
بقلمي/ الشاعرة أمل التابعي
ليست هناك تعليقات:
إرسال تعليق