يا بخت من فتح عكا و زار
و صلى فى مسجد الجزار
يا بخت من قاوم الاستعمار
و ما عاش و مات حمار
يا بخت من حط عنه أوزار
ما يحطها عنه حج لو زار
لو زار مكة بدل المرة مليون
يا بخت من فتح عكا تريليون
انشغلنا فى نفسنا و قتلنا بعضنا
لما نسينا الحق و نسينا أرضنا
و اشتد بأسنا و نسينا ربنا
و وهبنا لعدو الله أرضنا و حبنا
واهو عايش و متهنى و مبسوط
مع إنه أنجس من قوم لوط
و احنا فى نار و حروب و فتن
لما نسينا الله و نسينا الوطن
من ذنوبنا بينتقم مننا
من هروبنا مش راضى عننا
قالوا تعبان و نخاف يعضنا
قلت جبان دى أرضنا
و الله ربنا أكبر و لنا
بس احنا ننوى كلنا
عليك ب راسه و انا ب ديله
نكسر ضراسه و نهد حيله
و نشق بطنه شق
و ننصر الله و الحق
أنا عايش فى زمن مش بتاعى
لكن أقدر أغيره بدراعى
يا قلوب اتبعوا الداعى
يا شعوب انتم بحق الراعى
سيبوكو م الكسكسى و الحمصى
و اللى بيقول يالا غنى و يالا ارقصى
..............................................
محمد أبوالمعاطى
ليست هناك تعليقات:
إرسال تعليق