نادى المجدد
نادى المجدد قال
دينكم دا دين بطال
اصح يامحمود
اسمع ياعبد العال
انتبهي يانبوية
وانت افهمي يامنال
مافي للقبر عذاب
ولا للملايكة سؤال
التعبان أحاديث خرافة
لا أقرع ولا بخصال
معقول يكون حسابين
كله كذب ودجال
الخمر مين حرمه
أكل الخنزير شئ عال
أصل التحريم اتنسخ
بأحل لكم ....فحلال
مافي حجاب للمرأة
حرام نخفي جمال
الشرع دا شئ مخترع
كالسنة وجودها محال
حقيقة صلاتنا قلوب
بدون همهمة تنقال
قرأنا مش معجزة
أسطورة وقصص وخيال
المدنية أصلها حرية
روحوا اسألوها نوال
كفاية تخلف بقى
اتفتحوا يادغال
زواج المثلي جميل
هيصوا بقى ياعيال
المرأة تكون للمرأة
والرجل لنكاحه رجال
لازم ننقح دينا
نحذف مافيه قتال
مافي حدود للسرقة
قطع الطريق دا مثال
علشان ماتعرف دينك
منه اتخلع يا بلال
وادرس ديانة غيرك
واتبرأ من اللي مال
تلقى المحبة تنادي
أنا هنا ياهلال
لا تقول بخاري ومسلم
ارمي ثقيل احمال
أبو هريرة مش مظبوط
مقطقط على محتال
مصير تراثنا متاحف
كفاية عبط وخبال
ياحبيبي اعمل عقلك
البعث حقيقته خبال
الحج مش للكعبة
لجبل الطور ياخال
ربك ماقدس مكة
بتقديس الطوى انزال
الصيام ده مش عبادة
كل الحكاية سجال
مافي حرام في الدين
كله حلال في حلال
والمرأة ليها حقوق
اسلامها فيه اذلال
أنت الأساس يا أنثى
رني لهم الخلال
وانت ارقصي ياولية
وطبل لي ياطبال
ليه اللغات ذكورية
حلي بقى الاشكال
أصل العبادة هي
وطرأ عليها نحال
اليهود دول حبايبنا
كل الحكاية جدال
حماس ذي داعش
للقتل فتحوا مجال
المهم مش في الديانة
العبرة بالأعمال
البوذي مثل المسلم
جوليت مثل آمال
ردي عليك يامجدد
اتبعت بكام ريال
ياخسارة خسرت نفسك
الأخرة مافيها خلال
ربنا حافظ دينه
للحق مقام ومقال
يارويبضة يا بعوضة
عمرك ماتهد جبال
الدين حماته أسود
زئيرهم يبان في نزال
أوعاك تبات مخدوع
مالك في الخناثة مثال
يامكفي عالج نفسك
لاما تكون محتال
افعل كما تشاء
قالولنا في الأمثال
لايغرك ضعاف نفوس
لكل عمامة عقال
زمن النهاية ابتدا
والباطل مصيره زوال
بقلمي | محمود عبد الخالق عطيه المحامي
ليست هناك تعليقات:
إرسال تعليق