.......(( هيا الدنيا إيه ؟؟ )).... . .
هيا الدنيا إيه غير يومين
يوم الشمس طالعة وساطعة
ويوم الدنيا تلج وساقعة
يومين شايفهم نضاف
تاكل فيهم كفته وكباب
ويومين عجاف تاكل العيش حاف
و شايفهم بعينك هباب
يومين تخرج و تتفسح
وتعدي جبال وبحور
ويومين الجو مريح
وتجري ورا الحنطور
يومين تكون بصحتك
و تلف الشوارع وتدور
ويومين راقد في فرشتك
وتسأٰل علي طبيب مشهور
وإياك بصحتك ومالك تكون مغرور
من قبلك سلاطين وملوك
رحلوا ماتركوا غير كتاب منشور
لا فرح بيدوم ولا حزن بيدوم
دي دنيا فانية وكل واحد له يوم
المهم في النعمة تكون لربك شكور
وفي المحنة تكون راضي وصبور
وهما يومين تاكل فيهم
لحمة اٰو تقضيها فول
هيعدوا بالعرض أو بالطول
وإياك تشكي ربك لمخلوق
ده كاس وكل الناس منه بتدوق
وفي الاٌخرة في الجنة تتهني
بنعيم دايم مع البنات الحور .
د/ عمر عبد الحواد
ليست هناك تعليقات:
إرسال تعليق