شعر عامية / بقلم /خراط الكلمات اشرف رمسيس / بعنوان سنين وسنين

قصيد بقلم /خراط الكلمات اشرف رمسيس
بعنوان سنين وسنين
كتير عايشين كتير يامه
و وخدانه في دوامه
تملى الماضي يغلبنا
وقاتله حاضرنا جوانا
متشوفى حد اشمعنا
محصرانا وعصرانه وظالمانا
شفيلك حل شوفى غيرنا
ولا إنتى خلاص مصحبانا
عايشه بقيتى جوانا
وهاويه تبقى كويانا
بقولها سنين آهات يامه
وأقولها لمين لمش عارفين
خلاص ما حد يسمعلك
بقينا نايمين فى دوامه
بلا احساس مشينا خلاص
ولا اشاره ولا علامه
وناس عايشين ومش عايشين
وناس تانين عاشوا ومشيم وكانو واقفين
والراعي نعاجو عطشانه
وعزف الناي لا بياكل ولا يشرب
هاتولى ضمير يكون فاهم
يكون فى المهنة متدرب
بلاش فاهم ما عندو ضمير
دا هيدمر دا هيخرب
ودا ان لاقتوه ومش ساهل
بقول لكن لازم تلقوه
دا هو دا اللى يستاهل
كتير هتلاقى ناس تفهم
وناس غاويه تتعلم
وناس واقفه بتهلل
وناس بس تتكلم
ولا سامعين من تهاليلهم
ولا اللى اتكلم اتعلم
يا ناس العلم انواركم اناديلكم
وانا بالعلم بناديلكم
وكل املنا على جيلكم
تراعوا فينا ضمايركم
وان كنا غلطنا زمان
ومش عارفين مين الغلطان
هقولهالكم وانا فرحان
لولا الغلط ما كان
الصح كانلو مكان
ولو وقعت قوم كمل
وعيشها وخدها بالأحضان
دا حتى الوقت لو ليل
تلاقى نجمها سهران
وبردو البخت لو ميل
تعالوا نغير العنوان

بقلم /خراط الكلمات اشرف رمسيس